2009年12月16日星期三

Round 2, eat!! (一門)

星期六,吃了「東京和食」之後,旋即前往原本晚飯嘅落腳點「一門」。環境昏暗,地方尚算寬敞。獲安排位於角落嘅卡位,方便傾計。




由於進行了Round 1嘅緣故,各人嘅戰鬥力均消耗了不少,故只點了幾款小食及飲品。友人率先點了一客溫泉蛋($22),包裹著蛋黃嘅蛋白是剛熟的,蛋黃口感呈漿糊狀,蛋香馥郁,加上一點蔥花及豉油汁,簡簡單單的已令食客感覺滿足;



鐵板帶子蝦煎餅($55)以燒熱了的鐵板,保存燒餅嘅溫度,所以一客燒餅切成九件,由頭食到尾都是熱辣辣的。做法有點似關西一帶嘅傳統美食お好み焼き(日式燒餅),餡料有帶子、蝦肉、椰菜等,外表炸得十分香脆,稍嫌乾身了一點。筆者品嚐過一位祖藉京都嘅女孩泡製嘅燒餅,以豬油起pan,餡料加入豬肉,大量嘅菜,食落外表脆卜卜,內裡軟綿綿,豬肉脂肪連汁滲出,更加可口。



炸蟹肉忌廉($48)是十分香口之物,外表炸得金黃,內裡嘅忌廉緩緩流出,暖笠笠,有一些蟹肉,富有彈性。一邊飲酒一邊食,那有吃不完嘅道理。



佐酒之物還有燒牛舌($25)及雞軟骨($40)。「一門」嘅串燒,素有水準,下一點鹽,便一口一口吃下。眾人皆吃得很寧靜,可想而知各人對其味道冇任何投訴。



厚燒玉子($38)是這裡其中一款名菜,但見做得濕了一點,蛋味亦不如溫泉蛋般強烈,是失了水準。不過蛋本身仍然做得鬆軟,調味亦配合恰當。

一邊吃,隔離枱一班女士傾計,看店員嘅反應,可推想是熟客。望遠一點,也是三五成群,一邊飲一邊吃,談天說地,陶醉當中。筆者一行三個人,每人一杯飲品,埋單便是三百五十一蚊,平均每人一百一十七蚊。與其往酒吧喝酒,花費閒閒地數百蚊,不如到此更滿足。


味道:4 (以5分最高)
環境:4
服務:3
衛生:3
價錢:3

用餐日期:2009年12月5日

地址:銅鑼灣軒尼詩道502號黃金廣場4字樓

沒有留言:

發佈留言

Related Posts with Thumbnails