2009年12月12日星期六

入了寶山卻空手而回 (彩雲南)

星期一,夜雨綿綿,令人周身唔自在。太座突然想食米線類食品,經網上搜尋,發現在摩頓台附近有一間雲南米線舖頭,稍作更衣之後便立即前往。


此店位於小街角落,地方較隱秘,但舖頭內裝修也很光鮮整潔。下雨天,嚟幫襯嘅人小貓三、四隻。服務員只剩、二人,場面比較冷清,令筆者猶疑此店嘅「可靠」程度。



甫坐下,筆者留意到碗筷放置整齊,亦富有中國特色,外國食客一定會好有興趣。餐牌亦十分特別,名為「彩雲南菜譜」,賣相猶如武功秘笈。太座立即往米線類搜尋,點了過橋米線;筆者則點了酸辣米線,再加一碟蒜汁炒生菜。此時,服務員喃喃自語,筆者當時尚未為意,結果此一時嘅唔為意令筆者較後時間後悔,這是後話了。







過橋米線分成五碟,用手推車送到客人面前。首先將火腿、魚肉、魷魚片、豬肉片等放入已煮沸嘅雞湯中。雞湯表面雖然平靜,但表面有一層雞油保溫,裡面還是熱燙燙的。之後加入幾款蔬菜,包括山竹、芽菜、韭黃、生菜等,再加一隻鵪鶉蛋,最後放入已煮好嘅米線,用雞湯嘅熱力將之前放入嘅食材煮熟。要保証肉類熟透,肉片一定要切得薄。見服務員一輪功夫便完成過橋米線,大家已按奈不住要試一試。溫度方面只有微溫,沒有熱騰騰嘅感覺,溫度掌握是差了一點,但各種肉類蔬菜質地仍能保持爽脆,米線軟硬度亦恰到好處。至於酸辣米線,論辣度還可以,比較合港人口味,但酸度則略嫌不足。

問題出現了,米線份量太多,兩款米線大大超過兩人份量。此時服務員再次喃喃自語,驟耳聽來好像說她已經講過米線份量太多,會食唔晒。筆者與太庭今次點菜真失策,此其一;食雲南菜只識叫米線,無視其他雲南特色食物,此其二。筆者兩今次真係有點「如入寶山,空手而回」嘅感覺。

兩人共銀一百八十六蚊,平均每人九十三蚊。離去之時,心中已暗自決定不日約大班朋友再試「彩雲南」。

味道:4 (以5分最高)
環境:4
服務:3
衛生:3
價錢:3

用餐日期:2009年6月8日

地址:銅鑼灣信德街18號華英大廈地下

沒有留言:

發佈留言

Related Posts with Thumbnails