2009年12月11日星期五

中式分子料理 (大自然素食)

星期五,空氣不佳,成個人沒精打采的。


最新一期港澳版米芝蓮出版了,西餐廳仍是摘星大戶,當中有幾間以分子料理著名。筆者對分子料理嘅理解,係以物理及化學方法,改變食物原本嘅外觀及味道。這豈不是中國人最拿手嘅齋菜嗎?筆者對齋菜嘅整體印象一般,都是一些煎炸香口嘢,比較肥膩。是晚走訪了一間位於銅鑼灣嘅素食店,眼界大開之餘,也改變了筆者對齋菜嘅印象。


一行八個人,以樣樣都試一吓嘅心態,點了十五款菜式。名字雖有魚有肉,但全部是不折不扣的素食。




首先是冷點涼伴芝麻牛塝絲($32),將牛塝切成細絲,加一點芝麻吊味。牛塝絲入口清涼爽脆,帶一點芝麻香,喚醒味蕾之餘又不失清淡嘅宗旨,是一個不錯的開場。




「肉類」先來菠蘿咕噜肉($62),外表是似模似樣的,食落彷彿是啖著豬肉一樣,唯有分別是冇豬肉咁飽肚。所謂豬肉,其實是用了猴頭菇切成大小不一嘅形狀,再蘸上粉炸,幾可亂真;





瑤柱菜脯炒蛋($58)是家常菜,蛋味香濃,炒得也很滑,加上菜脯的嚼勁,十分不俗。








兩款煲仔菜分別是濃湯粉絲雜菜煲($52)及鮮淮山木耳雞煲($68),前者菜種不下五六款,湯底呈奶白色,味道清甜;後者以麵筋仿造雞肉,像真度不及之前的咕噜肉。配料方面,淮山咬落不覺粉,是筆者喜歡的texture,木耳既大塊又爽脆,配搭十分好。


淮山也於另一道菜-鮮百合露筍炒日本淮山($78)出現,與百合及露筍同樣是美味可口的。


眾人皆讚美極燒豆腐($52),這是將豆腐表面煎成薄脆一層,加上一點醬汁,成為外表香口,內裡滑溜嘅簡單菜式。



蝦多士食得多,吞拿魚多士($68)在這裡是首次,當然也是「冒充」的。在多士上塗上牛油果醬,口感濃厚,有吞拿魚香,但食唔出吞拿魚嘅肉質。

有餸當然要有飯,筆者最喜歡一鍋簡單的玉子粟米粥(大煲$48),將粟米粒及玉子豆腐粒混在軟綿綿嘅白粥中,既香且甜,吃了一碗又一碗;



原隻金瓜焗飯($78)是以蒸得熟透了的日本南瓜盛著炒飯,令飯粒盡吸南瓜嘅香甜味。日本種嘅南瓜比中國品種色澤更接近橙色,味道更甜美。單是一個日本南瓜,在超市買也要超過四十蚊,索價七十八,有理可尋;


鹹魚茸鴨崧炒飯($52),單憑氣味,如真一樣散發著鹹香,不過食落一點也沒有鹹味,類似鹹魚粒嘅物體,其實又係菌類,令眾人皆吃得嘖嘖稱奇,嗅覺與味覺大兜亂了。



筆者見餐牌中竟然有日式食品,好奇之下也點了數款。首先是三文魚刺身($42),像真度八成,細看是可以分辨出是缺少了魚肉表面泛起之光澤。入口味道索然無味,只有麵粉嘅彈性。當然,點此刺身,滿足好奇心大於一切;



相比之下,香芒吉列卷($52)效果好得多,起碼餡料除了吉列冇咗肉,其餘一概無異,味道失真情況十分輕微,咬落亦能嚐到應有嘅香口感及蔬果嘅新鮮甜美。



日式番薯天婦羅($32),麵漿是略為厚了一點,入口感覺都不太油膩,是合格的貨色。

最後試了一碗合桃露($22),是生磨的,氣味清香,味道甜美,美中不足是稀了一點。

埋單九百三十蚊有找,平均每人唔駛百二蚊,與一般素食館相比,食物明顯是少油少鹽的,是既經濟又健康的一餐。

味道:4 (以5分最高)
環境:3
服務:3
衛生:3
價錢:4

用餐日期:2009年11月27日


地址:銅鑼灣軒尼詩道502號黃金廣場8樓

沒有留言:

發佈留言

Related Posts with Thumbnails