2009年12月11日星期五

有厚「道」(798 Unit & Co)

星期三,天氣漸涼。友人S剛遊畢西藏回港,分享在西藏嘅人和事,更透露大計,準備旅居當地一段長時間。可以拋開工作,去體驗一下自己所嚮往嘅生活,實在令人羨慕。




這次飯局地點是太座提議的,屬美式餐廳。適逢德國啤酒節,餐廳就嚟一個cross-over,以德國菜為主打。



前菜係sausage sampler (half, $68),有四款肉腸,包括烏克蘭豬肉腸(Ukrainian pork sausage)、慕尼黑白肉腸 (Munich weisswurst)、德國臘腸(Thuringer bratwurst)等。Thuringer bratwurst 嘅特點係有辣味,味道濃烈;烏克蘭肉腸及慕尼黑肉腸比較原味,味道冇咁濃烈。傳統上,肉腸以炭火燒最惹味。此店嘅肉腸不似是用炭火燒,而是煎的,風味有折扣,但味道也是可口的。附上嘅麵包,堅硬無比,食得很費勁,幸好牛油很有奶香,是想食牛油多過想食麵包。



主食以一沙律、一份豬扒及risotto構成。野菌沙律($78)嘅蔬菜不是求其幾片西生菜,好似火箭菜都不少。野菌爽脆,香味則差少少;




南瓜帶子意大利飯($138),入口有南瓜嘅清甜味,口感煙韌,而且意大利飯造得夠creamy,不錯!帶子感覺也是爽脆,材料新鮮;



厚切豬扒($128)是此店其中一款signature dish,初見如此厚嘅豬扒,應該很難處理,弄得不好肉質如沙紙般鞋口,喊都無謂。不過當筆者切了一小塊入口咀嚼過後,疑慮全消。肉質是意外的嫩滑多汁,而且有豐富嘅豬肉鮮味,雖然附上蜜糖芥末汁,但味道香濃,不用點汁已經非常可口了。太座聽聞此豬扒製法先用火燒,將表面先弄熟,然後放入焗爐,再將裡面焗熟。Side dish要了一份蒜蓉菠菜($38),為太座提供所需嘅葉酸。





飯後各人嗌了一款甜品,筆者選了荔枝奶凍($50),太座是蘋果酥皮卷($48),友人則是大路的心太軟($55)。奶凍上加了幾塊蜜餞杏甫,是一大敗筆。雖知道後者味道濃烈,吃了以後,奶凍顯得淡然無味;蘋果酥皮卷造得十分香脆,太座頗滿意;見友人嘅心太軟冇乜朱古力漿流出,是硬起了心腸。

後至嘅友人J叫了一杯紅酒($58),埋單共銀七百二十七蚊,平均每人二百四十二蚊。由於有酒吧,環境頗嘈雜,但可以高談闊論,是令一番情趣。服務員也是勤勞工作,簡單嘅點菜不用筆錄也能準確無誤地落單。見其他客人大部份都有點香草燒雞,想必是美食之一,下次一定要試一下。

味道:4 (以5分最高)
環境:3
服務:4
衛生:3
價錢:3

用餐日期:2009年10月14日

地址:銅鑼灣勿地臣街1號時代廣場食通天12樓1203舖

沒有留言:

發佈留言

Related Posts with Thumbnails