2009年12月11日星期五

腸粉「搶」粉 (順興茶檔)

星期日,天色是近期少見嘅清朗。早一晚到訪「順興」,鎩羽而歸,是日與太座再戰大坑,成功了。

「順興」係大坑最出名嘅茶記之一,所言非虛,午飯時間,巷內已滿佈慕名而來嘅食客。可能係大肚嘅關係,總覺得太座搵位有點優勢。甫坐下,各自點菜。筆者想食炒蛋,於是叫了一份早餐($20,凍飲加兩蚊),還加了一份咖央多($9)。




早餐包括一份火腿炒蛋及牛油多士烘底,炒蛋是炒得剛熟的,入口滑溜有蛋香,不愧為此店名物之一;牛油多亦烘得香脆,落牛油不手軟,啖啖都有牛油香。不過,索價廿蚊,有些那個,以此價錢,起碼都有一碗麵吧!



咖蚊多是厚底,外表烘得微脆,入口有咖央嘅甜味,可惜咖央唔夠香,不知道如果塗了咖央才去烘焗的話,會不會香一點。






太座嘅車仔腸粉($26),要到舖內輪候及揀選配料。太座選了豬皮、魷魚及生菜。腸粉是否即叫即拉,筆者未有探究,但是腸粉是熱辣辣的,咬落既滑有彈性,還有淡淡嘅米香,而且層次分明,是一塊粉皮卷起,不會如一般腸粉般,放得久了便層次模糊起來。筆者頗忌諱魷魚,不喜歡其肉質堅韌,費時費力咀嚼。這裡嘅魷魚卻冇呢種情況,肉質爽滑,不失彈性,見太座食得很開心,筆者也覺滿意。

食得茶記,仲要係後巷大牌檔,環境衛生當然冇咁理想。店員東奔西跑,好不忙碌,落單有錯漏,在意料之內。本來筆者還點了滑蛋叉燒飯,只不過同一時間相同嘅order,此起彼落。結果,沽清了,筆者也中了空寶。要食得心頭好,可能要親自落單了。

味道:4
環境:2
衛生:2
服務:2
價錢:3

用餐日期:2009年11月8日


地址:大坑安庶庇街24號地下

沒有留言:

發佈留言

Related Posts with Thumbnails