筆者對印尼菜一點也不陌生，皆因筆者嘅阿媽係印尼華僑，故從小以食了不少印尼菜。印尼文化冇中國咁源遠流長，所以菜系冇中國菜那樣多元化。與其他熱帶地區一樣，印尼菜以香辣為主。同時，印尼海岸線比較長，海產豐富，不過海鮮類都係以燒為主。
此印尼餐廳印象中在此處營業已有一段日子，閑閑地都有二十年。內裡嘅裝修十年如一日，服務員都穿上印尼傳統服飾「巴的」及「沙龍」，望落都幾攪笑。他們皆能操粵語及印尼語，相信都係印尼華僑。一行六人，大家你一言我一語已經點了心水之選。
醬燒雞 – 印象中嘅醬燒雞應以類似巴東牛肉嘅醬汁去肴製，但此店嘅醬燒雞只用了普通醬汁。雖然顏色好似都肴得幾入味，但入口不過而已，雞肉亦不是很嫩滑，難怪係咁多款菜式之中去貨最慢嘅一款 (味道2分)；
加多加多 – 其實係印尼沙津，以白菜、豆角、豆腐、青瓜、雞蛋、蝦片等，配以花生醬撈勻嚟食。雖然叫做沙津，其實印尼人當做係主菜咁食。好味嘅加多加多，其花生醬汁絕對係靈魂所在。此店嘅醬汁甜中帶一點辣，係正宗味道。至於點解有甜味，當然係拜椰糖之效啦！在本地寥寥可數嘅純印尼餐廳，呢度嘅加多加多可算是上乘之選 (味道5分)；
巴東牛肉 – 這是筆者當晚心水之選，一來牛肉炆得十分入味，而且牛肉纖維已經半溶化了，一入口，不需一點兒勁就已經咀嚼得糜爛。而且，牛肉肥瘦適中，齒脥之間留有牛肉香味。當然，一碟出色嘅巴東牛肉，醬汁也是主角之一。此醬汁可能係遷就香港人嘅口味，只係微辣，代之而起嘅係椰絲嘅香味。椰香四溢，但一點都唔太滯胃。只係用醬汁配白飯已經係一絕 (味道5分)；
咖哩雜菜 – 椰汁味比較濃烈嘅咖哩，除了一般蔬菜如豆角、蕃茄、薯仔外，還有粉絲，有如一鍋咖哩雜菜煲。不辣嘅咖哩，並不是筆者嘅那杯茶，對筆者而言味道一般而已 (味道3分)；
咖哩羊肉 – 此咖哩既有椰香味，又有適度嘅辣味，接近正宗印尼咖哩嘅味道。羊肉炆得十分腍，皮雖比較薄，但肉質鮮嫩滑溜，而且有羊羶味，所以筆者吃了一件又一件。係另一個推介菜式(味道5分)；
印尼炒貴刁 – 與一般所見嘅炒貴刁無異，貴刁炒得也算乾身有鑊氣，河粉也有咬口(味道3分)。
除上述食品之外，一夥人還試食了蜈款印尼特式甜品，包括三色糕、紅豆糕、各類椰汁糕等。眾人皆認為除了三色糕甜味剛好之外，其他甜品椰味過重，吃後增加胃部負擔。三色糕甜味剛好之外，還有淡淡嘅香蘭葉嘅香味。令筆者奇怪嘅係，同樣係以香蘭葉為材料，點解珍多冰中嘅綠色物體質地似啫喱多過似用香蘭葉汁(可能多好多功夫嘅緣故)。
埋單共九百六十蚊，平均每人一百六十蚊，見外母及太座嘅爺爺食得開心，大家有講有笑，老土講一句「此刻無價」。
味道：4 (以5分最高)
環境：2
服務：3
衛生：3
價錢：4
用餐日期：2009年5月9日
地址：銅鑼灣駱克道514號地下
文章
沒有留言:
發佈留言